A letra negra serve para destacar a información que quen redacta considera máis relevante.
Isto pode afectar ao contido do texto ou á súa organización. Como para o primeiro podemos empregar tamén a cursiva, é aconsellable utilizar a negra como elemento estruturador do documento:
Para os títulos dos apartados:
A memoria xustificativa deberá conter o apartado Dotación, no que se farán constar os medios cos que se contou para levar a cabo o proxecto.
Para as distintas partes necesarias en cada tipo de documento:
Núm. da sesión: 2/2010
Carácter: ordinaria
Lugar: edfs. admtivos. de San Caetano
Data: 13.01.2010
Asistentes: …
Deste xeito, distribuímos cun criterio moi funcional os recursos que antano se suporpoñían, recargando a apariencia visual da comunicacion e restándolles efectividade a todos eles.
Con todo, o fundamental é atoparmos un criterio xerárquico que sexa coherente en todo o documento.