Coidar a relación entre os elementos da oración resulta necesario para unha axeitada aplicación do estándar culto da nosa lingua. Velaí a importancia da redacción meditada e da revisión dos textos.

As confusións ás que lles debemos prestar máis atención son as seguintes:

- De xénero ou de número, entre o nome e os seus modificadores:

X  O formulario e da folla de pagamento entregada.

V  O formulario e a folla de pagamento entregados.

- De número, entre o complemento indirecto e o pronome pleonástico:

X  Requiríuselle a presentación de novos xustificantes aos representantes dos afectados.

V  Requiríuselles a presentación de novos xustificantes aos representantes dos afectados.

- De número, entre o suxeito e o verbo:

X  A maioría emitiron un informe negativo da proposta de convenio.

V  A maioría emitiu un informe negativo da proposta de convenio.

- D preposición, entre dous elementos dunha frase que necesitan empregar preposicións diferentes:

X  Confío e acepto as medidas

V  Confío nas medidas e acéptoas.