Documento de carácter protocolario utilizado para convidar a alguén a un acto.

Estrutura

1 Corpo

- Identificación do emisor: pode ser un organismo ou un cargo. No segundo caso, terá que ir acompañado do órgano no que desenvolve as súas funcións; de xeito opcional, tamén poden ir o nome e os apelidos.

- Núcleo: no mesmo parágrafo inclúese a fórmula de convite, que pode ser:

… comprácese en convidalo/a…

… ten o pracer de convidalo/a…

… convídao/a…

e os datos pertinentes sobre o acto; asunto, día, hora e lugar. Esta información tamén se pode situar fóra do corpo do texto de forma esquemática.

Tamén pode personalizarse o documento poñendo tras a fórmula o nome e apelidos ou cargo e o organismo que representa o destinatario, en función de cal sexa o motivo do convite.

2 Peche

- Lugar e data: indicarase, opcionalmente, só o mes e o ano, para non confundilos coa data de celebración do acto.

- Información complementaria: indicacións ou recomendacións opcionais (necesidade de confirmación de asistencia, posibilidade de levar acompañante, recomendacións de vestiario…)

Exemplos

O conselleiro de Innovación e Industria 

Nome e apelidos

e no seu nome 

A directora xeral de Promoción Cultura

Nome e apelidos

comprácese en invitalo/a á inauguración do

Centro de Coordinación Lingüística da Pequena e Mediana Empresa

Data: luns, 20 de xaneiro

Lugar: Confederación de Empresarios de Galicia

Hora: 12.00 h

Prégase confirmar asistencia

O conselleiro de Innovación e Industria

Nome e apelidos

ten o pracer de convidalo/a ao acto de inauguración do

CENTRO DE COORDINACIÓN LINGÜÍSTICA DA PEQUENA E MEDIANA EMPRESA

que terá lugar o vindeiro luns, 20 de xaneiro, ás 12.00 h, na sede da Confederación de Empresarios de Galicia.

Santiago de Compostela, decembro de 2003