Trátase dun sistema de transmisión de documentos por vía telefónica.

Estrutura

1 Cabeceira

- Título: emprégase a palabra FAX ou a locución MENSAXE POR FAX e destácase tipograficamente do resto do documento.

- Datos da comunicación: número de fax do destinatario e data completa.

- Identificación dos comunicantes: interveñen dúas partes:

- Nome e apelidos, cargo e institución da unidade na que traballa o destinatario. Estes datos aparecen despois da expresión DIRIXIDO A ou despois da preposición A, destacadas tipograficamente.

- Nome e apelidos, cargo e institución ou unidade na que traballa o emisor. Estes datos menciónanse despois da presposición DE, tamén resaltada.

- Información complementaria: número de páxinas do documento e teléfono de contacto no caso de erro na transmisión.

2 Corpo

Se a información é breve, pódese escribir directamente na cuberta de fax. Outras veces indícanse neste apartado os documentos que se achegan.

3 Peche

- Sinatura rúbrica

Exemplo

FAX

______________________________________________________

NÚM. FAX: 981 741 901                                        DATA; 10-08-2001  

________________________________________________________

DIRIXIDO A: nome e apelidos, director técnico de Construción

_______________________________________________________

DE: nome e apelidos, xefe do Servizo de Contratación

_______________________________________________________

Núm. de páxinas (incluída esta): 2

Estimado compañeiro,

Tal e como me solicitaches, envíoche a resposta á pregunta oral realizada na comisión sobre axudas á vivenda rural.

Cordialmente,

(sinatura)