O adxectivo adoita acompañar o substantivo para delimitalo, achegándolle calidades que este non posúe. Esta función especificativa realízaa pospoñéndose ao nome:

X  A resultante liquidación xa se lle notificou á interesada.

V  A liquidación resultante xa se lle notificou á interesada.

Cando se antepón, a función non é a mesma; o adxectivo pasa a ter un emprego explicativo, indica calidades intrínsecas, xa coñecidas:

Cidadán afectado // Afectado cidadán

Acordo vinculante // Vinculante acordo

Antes do nome, tamén pode empregarse para destacar a característica que o adxectivo expresa. Non obstante, este é un recurso literario, pouco adecuado na linguaxe administrativa proque o que a Administración pretende, ao definir un concepto con adxectivos, é precisión e obxectividade.

X  A adecuación solución

V  A solución adecuada

X  O pertinente prazo

V  O prazo pertinente

X  O considerable aumento

V  O aumento considerable

X  As correspondentes indicacións

V  As indicacións correspondentes