A conxunción «que» é invariable e emprégase para introducir información necesaria na comunicación. Os verbos de fala, sentido e coñecemento rexen a conxunción «que»; é dicir, precisan introducila como nexo con outra oración para completar o seu sentido.

Solicítolle que me devolva o documento asinado no prazo de quince días.

O xefe territorial considerou que a reclamación era pertinente.

Nos textos administrativos é habitual a supresión de «que», asociada a unha inadecuada economía lingúística. Prescindir deste elemento de forma inxustificada non axiliza o texto, senón que o converte en inintelixible para o destinatario:

X  Ordénolle proceda á xestión dos pagamentos.

V  Ordénolle que xestione os pagamentos. 

X  Este organismo considera debe cumprir o trámite. 

V  Este organismo considera que debe cumprir o trámite.