O pronome dativo (me, che, lle, nos, vos, lles) realiza a función de complemento indirecto. Pode facelo só:

Recolleulle a documentación o primeiro día de inscrición.

Fágolles chegar a convocatoria de reunión do Comité Asesor.

E tamén cando o complemento indirecto se expresa a seguir:

Recolleulles ás empresas concorrentes a documentación requirida polo concurso.

Entregoulles a convocatoria aos membros do Comité Asesor.

Comunicámoslles a resolución aos/ás interesados/as.

Solicítolle a vostede que teña en conta estas consideracións

Esta é unha regra de estilo característica tanto da lingua oral como da lingua escrita, que se debe coidar coa mesma atención nas linguas de especialidade.