O Servizo de Normalización Lingüística, dentro do programa Apego, organizou a actividade “Arrolos de salitre”. É un pequeno obradoiro baseado nun disco de Xabier Díaz e Guillerme Fernández, no que as familias que participen aprenderán nanas para apazugar ou adormentar os fillos.
O obxectivo é que nais, pais, avós, formadores, monitores, etc. poidan aprender a practicar o aproveitamento do poder emocional das nanas para adormentar ou apazugar os nenos e comezar a transmitirlles a lingua e a música.
A actividade será na biblioteca municipal o 7 de decembro, ás 18.00 h, e está dirixida a mamás e papás (presentes e futuros), a formadores de primaria dos centros educativos, a monitores, etc.
A inscrición é gratuíta, a partir das 9.00 h do luns 20 de novembro.
